ÚLTIMA XORNADA DO ANO CON POLÉMICA na Conf. RÍAS BAIXAS

0
97
      A última xornada na Conferencia Rías Baixas está condicionada pola polémica foto de Charri vestindo a camisola de Lúa de Forza. O de Bueu finaliza a relación contractual con Correodiras en 2019. Aínda que está nun dos mellores equipos da LNB, bicampión Nacional e dominador absoluto da Conferencia Rías Baixas, o veterán e talentoso xogador non se sente valorado. O seu xogo deslumbrante de encaixe e filigrana non acaba de ser ben visto dentro do vestiario. A temporada pasada xa estivera a piques de abandonar o equipo do Morrazo pola franquicia verde do Salnés. 
     Esta fichaxe podería desequilibrar o dominio dos últimos anos na Conferencia. O certo é que Lúa de Forza non confirmou nin desmentiu que exista un preacordo para incorporar a Charri. Deste xeito, espérase unha xornada tensa entre xogador@s de ámbolos dous equipos, tendo en conta, ademais, que os separan na xeral, soamente, 14 ptos. 

        Finalmente, a xornada xogarase na pista de caucho do pavillón de Beluso. Este tipo de superficie non se comporta como outras superficies cubertas. Así, non é doado facer varados e o impacto da billarda sobre o chan ten consecuencias imprevistas, en canto á dirección que toma despois a billarda.

Deixar resposta

Please enter your comment!
Pon aquí o teu nome