TORNEOS ABERTOS DE BILLARDA no verán

0
163

       No Campo de Billarda da Seca en Poio celebrouse o Aberto de San Xoán. 45 participantes disfrutaron dunha temperatura ideal e dun terreo olímpico excepcional. A brisa da Ría de Pontevedra que acaricia as palmeiras da Reiboa proporcionou o frescor necesario para desenvolver o máximo potencial de rendemento humano. Deste xeito, a competición puxo a cada quen no seu sitio. 
        Unha análise polo miúdo déixanos varias hipóteses moi plausibles de cara á temporada 2018-2019. Primeira hipótese: Armadiña loitará polo título. Cho continúa coa súa progresión, ao igual que Peque. Manu e Rodri son valores seguros. Isto significa que Armadiña será o C’s das Rías Baixas, que poña en discusión a hexemonía do poder bicéfalo de Corredoiras e Gharaboto? Todos os indicios levan a pensar que a franquicia celeste vai estar moi cerca deses dous equipos. 
       Segunda hipótese: a categoría infantil vai quedar en mans dos infantís de Armadiña. Co paso de Juanma e Adriana á categoría absoluta queda aberta a porta para os outros nenos e nenas que vivían á sombra destes dous extraordinarios xogador@s. 
        Terceira hipótese: Charri ten o mal de ollo. O fenomenal palanador de Bueu afirma que alguén lle votou un meigallo, pois non se explica o baixo rendemento que está tendo. Desde os últimos meses da temporada pasada non acerta a golpear a billarda como facía antes. Vaise poñer en mans de profesionais. Xa acudiu a unha cita cunha especialista titulada en Vudú. Abaixo vemos a foto de Charri nunha sesión desta técnica ancestral.

        Nas fotos seguintes pódese apreciar o xeito de golpear que identifica a cada unha e cada un dos xogadores. O mesmo que cada quen ten un xeito peculiar, particular e único de camiñar, tamén ten unha maneira persoal de golpear que o identifica. Esa maneira de golpear nace coa persoa, senón mirade as dúas últimas fotos nas que aparece o Xián de Rexenxo, un neno de 5 anos que está aprendendo, e de que maneira, a xogar billarda. A súa escola de billarda foi e é a LNB. A súa familia encárgase de levalo xogar e de ofrecerlle o material de xogo. O demais, traíao el dentro. A súa ilusión e entusiasmo por darlle golpes á billarda pon a proba a paciencia dos seus proxenitores, pois non para de xogar na súa casa, poñendo en perigo vidros e portas. Neste comportamento infantil está reflectido un dos obxectivos da LNB, que non é outro que o de transmitir ás novas xeracións o amor a un dos nosos xogos tradicionais máis arraigado na cultura galega. O mesmo sucedeu e sucede con Oscar Caldas, outro neno coa billarda no sangue. Despois, están outras nenas, Ainhoa, Icía, Nerea, Naia, María Caldas, Antía… e outros nenos, Ares, Hugo, Alexis… que xa saborean o pracer de xogar billarda nun ambiente agradable. 
        

JM CAMIÑA

LUÍS CAMIÑA

MACHI

MANU

MARGA

MÓNICA

PACO VIDAL

PAPI

PEQUE

ROSANA

TANIA

TAXEIRO
XAN

XIÁN

XIÁN

Deixar resposta

Please enter your comment!
Pon aquí o teu nome