Home Actualidade Reflexións sobre a Xornada das Encrobas

Reflexións sobre a Xornada das Encrobas

0
Reflexións sobre a Xornada das Encrobas

 

As consecuencias da xornada 10 da LNB NOR non se fixeron esperar máis de 72 horas. Xa temos as manifestacións do capitán e adestrador de Filloas sobre o acto de indisciplina de Landras. “A liberdade e a innovación nunca deben ser penadas. Filloas é un equipo aberto e con futuro, por iso os grandes xogadores coma Landras se senten tan ben para desenvolver todas as súas potencialidades“, respondeu Lois Fontan ás críticas que os medios deportivos publicaron sobre a actuación de Landras, que lle supuxo ao equipo rematar último na xornada do pasado domingo 26 de xaneiro.
Que sucedeu con Landras? Pois, moi simple, o anárquico e xenial Landras tiña un golpe de desempate con Araña para pasar terceiro de grupo ou quedarse a velas vir. Ao visionario Landras non se lle ocurriu outra cousa que situar a billarda coa punta mirando para oriente no canto de poñela na súa posición natural coa punta mirando cara ao varal. Segundo os seus miolos, dese xeito, a billarda rotaría sobre o seu eixe, situado en perpendicular ao meridiano 8, e permitiría ofrecer unha superficie maior de impacto á súa vista algo cansada de tanta lectura esotérica. Resultado: na adega dos seus fracasos había lugar para unha barril máis. Landras volveu a desafiar á realidade empírica e perdeu 2 ptos para o seu equipo, xa que, no caso de ganarlle a Araña debería enfrontarse a Andrade no cruce de cuartos e, pasase quen pasase dos dous, era 1 pto máis para o equipo. Cousa que lles daría 44 e evitarían a última praza.

 

Tamén, temos imaxes da estratexia que o equipo herculino tivo a ben empregar na última xornada para debilitar aos equipos rivais. O plan ideado por Filloas consistía na sementeira de amuletos “anacaroretiños” sobre o terreo de xogo das Encrobas. Non deu os resultados agardados. Despois do visto e oído, deberían devolver os amuletos e pedir o reintegro dos 66 euros que pagaron por eles. Están en garantía e comprobouse que non teñen as propiedades alucinóxenas anunciadas no prospecto.

Ademais, un dos maís perxudicados polos “anacoretiños” foi o propio capitán de Filloas de Sangue, Lois Fontán, que a piques estivo de comerse varias baldosas despois de esvarar nun deses traicioneiros amuletos

 

 

Por outra beira, de novo Ladito, un adiantado ao seu tempo no mundo do calzado deportivo para xogar billarda, presentou o novo modelo zapatolandra. Este calzado xunta certas características que o fan ideal para competir no ciclo de outono-inverno na LNB. Así, ten unhas acanaladuras na sola que fan contacto co chan e axudan a manter a tracción, ao mesmo tempo, o molde do zapato proporciona espazo cómodo para que as dedas nos estean atofegadas. A súa estética lembra moito a froito do Carballo, Aciñeira e Sobreira. En tono verde landra e rematado nunha punta marrón carapucho foi a sensación das Encrobas. Bravo Eladio, ninguén coma ti sabe tratar os pés.

 

Aquí quedan algúns golpes sensacionais, outros estupendos e pouquiños, unicamente correctos.

 

Agora as clasificacións xerais quedan do xeito seguinte.

 

Para rematar, dicir que os números, as marcas, os títulos e as proezas deportivas ademais de motivar a alegría e satisfacción de quen foi protagonista deles, serven para debuxar un horizonte cromático atractivo e motivante, que nos move a observalo e a camiñar cara a el. Campo da Feira está a unha xornada de igualar unha marca histórica que ten Corredoiras. Esta marca ten que ver co número de xornadas consecutivas e ininterrumpidas que leva de líder na LNB NOR. Nada máis e nada menos que desde a temporada 2016-2017. O equipo de Paiosaco tamén ten a marca LNB de xornadas ganadas de xeito consecutivo, establecido en 27 xornadas.

LEAVE A REPLY

Please enter your comment!
Please enter your name here