CRÓNICA 9 xornada NORLESTE 14 xornada NOROESTE

0
100
       O Muriego nunca nega a evidencia e esta evidencia fixo refregar os ollos a máis dun ser humano que se dou cita sobre a Praza dos Remedios de Mondoñedo. 

“Si, si, si, si, a Cortón, 
non lle sabe o lacón, 
mais o chaínzo papa, 
na gorentosa tarta”.

    Este estrofa de catro versos foi recitada unha e outra vez camiño da Terra Chá polos seus compañeiros e compañeiras de equipo que o trasladaron ata a chaira en carroza. Cortón emocionado por tal demostración de afecto e aprezo non tivo palabras… literalmente, non tivo palabras para agradecer o detalle. O certo é que a estas horas Cortón aínda non apareceu pola casa. Segundo as últimas informacións o talentoso palanador botouse abaixo da carroza na Pontenova. Vai concentrarse toda a semana previa ao Día das Estrelas LNB, pois non quere perder a maxia que mostrou en Mondoñedo. 

       A formación da Pontenova, Troitas Bravas, presentouse en Mondoñedo con intención de levarse o primeiro premio en comparsas… e conseguírono. O que xa lles quedou algo máis lonxe foi o triunfo despois das 5 carreiras da xornada. De todos os xeitos, tiveron unha grande actuación e chegaron aos 75 ptos, só superados polos 76 de Carabullo e os 81 de Billardeiros Musicais. 
       O equipo da Pontenova presentou unha manchea de profesionais en diversas disciplinas, bombeiro, revolucionario, cirurxán, actriz e actor cómicos, obreir@s, labrega, e despois, tamén estaba a fera de Ramón. Pero, é meridiano que nos lles compensou pagar un día de salario co plus de fin de semana a estes afamad@s profesionais.


       En definitiva, os puntos son os puntos e a xornada tivo estes números:

     


Despois desta xornada as clasificacións quedan do xeito seguinte

1 DANIEL BMU 180
2 MANU POZO BMU 177
3 CHOUSA CAR 176
4 SACHAS TRA 170
5 REGUEIRO TRA 168
6 ALBINO CAR 163
7 ISMAEL CAR 162
8 PEPE OUTEIRO CHA 159
9 CHARLY CAR 158
10 CORTÓN CHA 154
11 MARKYTOS BMU 151
12 GENI BMU 148
13 JORGE REM 146
14 DAVID NAVALLO TRA 146
15 NOÉ TRA 144
16 PEPE VIDAL CHA 140
17 FRANCO BMU 135
18 PAULA CHA 135
19 MURIEGO REM 134
20 MANOLO TRA 132
21 SANTI CAR 131
22 RUBÉN CHA 129
23 MANU POL 121
24 IVÁN ALONSO BVE 120
25 MILIO REM 119

 

Equipos ptos
1 CARABULLO PONTE DE OUTEIRO CAR 709
2 BILLARDEIROS MUSICAIS RIBADEO BIL 698
3 TROITAS BRAVAS A PONTENOVA TRA 679
4 CHAÍNZOS-CADAVAL CASTRO DE REI CHA 642
5 REMOURELLE BULLS REMOURELLE REM 540
6 BILLARDA VERDE CASTROVERDE BVE 461
7 POLKA MISERIA POL POL 303

FEMININA EQU TOT
1 GENI BIL 148
2 PAULA CHA 135
3 SARA POL 96
4 LORENA CHA 90
5 ANA CHA 74
6 LOLA EIRAS POL 68
7 MARICARMEN TRA 60
8 SANDRA TRA 46
9 LUCÍA REM 43
10 CARME TRA 31
11 CHINITA TRA 31
ANA CHAÍNZOS-CADAVAL

PAULA CHAÍNZOS-CADAVAL

SANDRA TROITAS BRAVAS

SARA POLKA MISERIA

CONFERENCIA NOROESTE
    O pavillón non ten compaixón co pulso dubitativo e se non endereitas o golpe non tes nada que facer, se o que pretendes é ganar a xornada. Este territorio cuberto agrada a certas persoas e desagrada a outras tantas. O certo é que nesta xornada o equipo APB deu un paso fundamental para asegurarse a praza de finalista LNB 2019, xa que, meteulle un bocado de 26 ptos ao equipo MAC, debilitado polo entroido de Cerceda, que se levou por diante a Berdillo e a Viqueira, ausentes na xornada. Sospéitase que o de ir xogar a pavillón foi un plan artellado polo Rei V de Santa Marta, quen estivo toda a semana con letanías e rezos ante o altar de Santa tan milagreira. 
      Óscar Ponte non ten rival cando se trata de precisión, e sobre a superficie pulida do pavillón foi capaz de derrotar ao supercampión Collazo, quen de novo incrementou as súas estatísticas de varados con 4 máis. Tamén, sabemos de fontes de verdade e ciencia que o enfrontamento de semifinais entre Edu e Collazo estivo rodeado de moita tensión, pois, Collazo non tiña necesidade de máis ptos para asegurarse a primeira posición, xa que, Juan Carlos quedara eliminado e fixera menos ptos que el. En cambio, a Edu facíanlle falta os ptos para acercarse a Lito Pena na xeral. Pois ben, non houbo acordo nin manipulación da competición. Así, a pesar da insistencia de Edu, Collazo mantivo firme o seu ideario revolucionario marxistaleninista que non admite privilexios nin prebendas. “Por moi mediatico e aristocrático que sexa o EGASA, conmigo non van as súas artimañas”, dixo Collazo.

Despois de sumados os ptos as clasificacións quedan do seguinte xeito

CRUZ CAMPO DA FEIRA
ÓSCAR PONTE

COLLAZO

ÚLTIMAS NOVAS

      E sen solución de continuidade xa está aquí o Días das Estrelas da Billarda 2019. A Pontenova prepárase para recibir ao tsunami do Atlántico. Desde as provincias occidentais do país espérase a chegada de medio cento de persoas coa intención de iluminar as instalacións do campo da mina con estrelas, asteroides e cometas da billarda atlántica. Está decretado o código vermello na Comarca ante a chegada de tal firmamento de luz. Sobre todo, o que máis preocupa ao equipo organizador é ter marisco de caldeiro suficiente para satisfacer apetitos tan distinguidos. En fin, non se pode perder acontecemento tan sobranceiro. 

Deixar resposta

Please enter your comment!
Pon aquí o teu nome